ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܦܺܝܠܺܝ̈ܦܺܝܣܳܝܶܐ
ܓ: ܝܓ ـ ܟܐ Philippians 3:13-21

ܐܰܚܰـ̈ܝ ܐܶܢܳܐ ܥܰܠ ܢܰܦܫܝ ܠܐ ܪܳܢܶܐ ܐ̱ܢܳܐ ܕܰܐܕܪܟܶ‍ܬ. ܚܕܳܐ ܕܶܝܢ ܝܳܕܰܥ ܐ̱ܢܳܐ܆ ܕܰܕܒܶܣܬܰܪܝ ܛܳܥܶܐ ܐ̱ܢܳܐ. ܘܠܰܩܕܳܡܰܝ ܡܶܫܬܰܘܫܰܛ ܐܢܳܐ. ܘܪܳܗܶܛ ܐ̱ܢܳܐ ܠܽܘܩܒܰܠ ܢܺܝܫܳܐ܆ ܕܶܐܣܰܒ ܙܳܟܽܘܬܐ ܕܩܶܪܝܳܢܳܐ ܕܰܠܥܶܠ ܕܰܐܠܳܗܳܐ ܒܝܶܫܽܘܥ ܡܫܺܝܚܳܐ. ܐܰܝܠܶܝܢ ܕܰܓܡܺܝܪܺܝܢ ܗܳܟܺܝܠ ܗܳܠܶܝܢ ܢܶܬܪܰܥܽܘܢ. ܘܶܐܢ ܡܶܕܶܡ ܐ̱ܚܪܳܢܝܳܐܝܺܬ ܡܶܬܪܰܥܶܝܢ ܐܢ̱ܬܽܘܢ܆ ܐܳܦ ܗܳܕܶܐ ܐܠܳܗܳܐ ܢܶܓܠܐܷ ܠܟܽܘܢ. ܒܪܰܡ ܠܗܳܕܶܐ ܕܡܰܛܺܝܢ܆ ܒܚܰܕ ܫܒܺܝܠܳܐ ܢܶܫܠܰܡ ܘܒܰܚܕܳܐ ܐܰܘܝܽܘܬܐ. ܐܶܬܕܰܡܰܘ ܒܺܝ ܐܰܚܰـ̈ܝ܆ ܘܰܗܘܰܝܬܘܢ ܡܶܬܒܰܩܶܝܢ ܒܰܐܝܠܶܝܢ ܕܗܳܟܰܢܳܐ ܡܗܰܠܟܺܝܢ܇ ܐܰܝܟ ܕܡܽܘܬܐ ܕܒܰܢ ܚܳܙܶܝܬܘܢ. ܐܻܝܬ ܓܶܝܪ ܣܰܓܺܝ̈ܶܐܐ܆ ܕܰܐ̱ܚܪܳܢܝܳܐܝܺܬ ܡܗܰܠܟܺܝܢ܆ ܗܳܢܽܘܢ ܕܙܰܒܢܺܝ̈ܢ ܣܰـ̈ܓܺܝܳܐܢ ܐܶܡܪܶܬ ܠܟܽܘܢ ܥܠܰܝܗܽܘܢ܇ ܗܳܫܳܐ ܕܶܝܢ ܟܰܕ ܒܳܟܶܐ ܐ̱ܢܳܐ ܐܳܡܰܪ ܐ̱ܢܳܐ. ܗܳܢܽܘܢ ܕܰܒ̈ܥܶܠܕܒܳܒܶܐ ܐܶܢܽܘܢ ܕܰܙܩܺܝܦܶܗ ܕܰܡܫܺܝܚܳܐ. ܕܚܰܪܬܗܽܘܢ ܐܰܒܕܳܢܳܐ ܗ̱ܝ. ܗܳܢܽܘܢ ܕܰܐܠܳܗܗܽܘܢ ܟܰܪܣܗܽܘܢ ܘܬܫܒܽܘܚܬܗܽܘܢ ܒܶܗܬܰܬܗܽܘܢ. ܗܳܠܶܝܢ ܕܬܰܪܥܺܝܬܗܽܘܢ ܒܰܐܪܥܳܐ ܗ̱ܝ. ܕܺܝܠܰܢ ܕܶܝܢ ܦܽܘܠܚܳܢܰܢ ܒܰܫܡܰܝܰܐ ܗ̱ܘ. ܘܡܶܢ ܬܰܡܳܢ ܡܣܰܟܶܝܢܰܢ ܠܡܰܚܝܳܢܳܐ ܠܡܳܪܰܢ ܝܶܫܽܘܥ ܡܫܺܝܚܳܐ܆ ܕܗܽܘ ܢܚܰܠܶܦ ܦܰܓܪܳܐ ܕܡܽܘܟܳܟܰܢ܆ ܕܢܶܗܘܶܐ ܒܰܕܡܽܘܬܐ ܕܦܰܓܪܳܐ ܕܫܽܘܒܚܶܗ܇ ܐܰܝܟ ܚܰܝܠܶܗ ܪܰܒܳܐ ܗܰܘ ܕܒܶܗ ܟܽ‍ܠ ܐܶܫܬܰܥܒܰܕ ܠܶܗ܀