ܐܶܓܰܪܬܳܐ ܕܦܰܘܠܳܘܣ ܫܠܺܝܚܳܐ ܕܰܠܘܳܬ ܐܶܦܶܣܳܝ̈ܶܐ
ܗ: ܝܗ ـ ܟܐ Ephesians 5:15-21

ܚܙܰܘ ܗܳܟܺܝܠ ܐܰܝܟܰܢܳܐ ܬܗܰܠܟܽܘܢ ܙܰܗܝܳܐܝܺܬ܆ ܠܳܐ ܐܰܝܟ ܣܰܟ̈ܠܶܐ܆ ܐܶܠܳܐ ܐܰܝܟ ܚܰܟܺܝ̈ܡܶܐ ܕܙܳܒܢܺܝܢ ܩܺܐܪܣܗܽܘܢ܇ ܡܶܛܽܠ ܕܝܰܘ̈ܡܳܬܐ ܒܺܝ̈ܫܶܐ ܐܶܢܽܘܢ. ܡܶܛܽܠ ܗܳܢܳܐ ܠܳܐ ܬܶܗܘܽܘܢ ܚܰܣܺܝܪ̈ܰܝ ܪܶܥܝܳܢܳܐ܆ ܐܶܠܳܐ ܐܶܣܬܰܟܰ‍ܠܘ ܡܳܢܰܘ ܨܶܒܝܳܢܶܗ ܕܰܐܠܗܳܐ. ܘܠܳܐ ܗܘܰܝܬܘܢ ܪܳܘܶܝܢ ܒܚܰܡܪܳܐ ܕܒܶܗ ܐܺܝܬ ܐܳܣܽܘܛܽܘܬܳܐ܆ ܐܶܠܳܐ ܐܶܬܡܠܰܘ ܒܪܽܘܚܳܐ. ܘܡܰܠܶ‍ܠܘ ܥܰܡ ܢܰܦܫܟܘܢ ܒܡܰܙܡܽܘܪ̈ܶܐ ܘܰܒܬܶܫܒ̈ܚܳܬܐ܆ ܘܒܰܙܡܺܝܪ̈ܳܬܐ ܕܪܽܘܚܳܐ ܗܘܰܝܬܘܢ ܙܳܡܪܺܝܢ ܒܠܶܒܰܘ̈ܳܬܟܽܘܢ ܠܡܳܪܝܳܐ. ܘܰܗܘܰܝܬܘܢ ܡܰܘܕܶܝܢ ܒܟܽ‍ܠܙܒܰܢ ܥܠ ܐܰܦ̈ܰܝ ܟ‍ܠܢܳܫ܆ ܒܰܫܡܶܗ ܕܡܳܪܢ ܝܶܫܘܥ ܡܫܺܝܚܐ ܠܰܐܠܗܐ ܐܰܒܳܐ. ܘܰܗܘܰܝܬܘܢ ܡܶܫܬܥܒܕܺܝܢ ܚܰܕ ܠܚܰܕ ܒܚܽܘܒܶܗ ܕܰܡܫܺܝܚܳܐ܀